Шефот на македонската дипломатија Никола Попоски денеска во седиштето на НАТО во Брисел ќе се обрати на состанокот на министрите за надворешни работи на Северноатлантскиот совет на НАТО во ИСАФ формат.
На состанокот ќе биде разгледана актуелната политичко-безбедносна состојба во Авганистан, а воедно ќе се разменат и мислења за натамошните активности на земјите-членки и оперативните партнери на НАТО по завршувањето на ИСАФ мисијата кон крајот на оваа година.