Бараките на Општина Центар настрадаа во синоќешното невреме кое го зафати Скопје. Во дел од времените објекти навлегла вода, а вработените уште синоќа биле ангажирани да ги заштитат канцелариите и инвентарот за водата да не ги оштети.
Од таму велат дека не се предизвикани големи штети и дека станува збор за мало количество вода. Продолжија и утринава да ја црпат водата и да ја поправаат нанесената штета. Додаваат дека до вечер ќе се среди состојбата, но тлее страв од најавите на метеоролозите дека невремето ќе се повтори денеска.
Стручните служби на Општината, пак, се на терен и учествуваат во санирање на последиците од синоќешното невреме. Во поплавите настрадале градинките и училиштата кои се под надлежност на Општината.