Попладнево повеќе делови од земјава зафатени од нестабилно време

Од:

Нестабилно време со силен ветер, грмежи и пороен дожд попладнево имаше во централните и деловите кон североистокот од зејава. Од УХМР наведуваат дека бранот со нестабилност се прошири преку источниот дел од земјата, а нова нестабилност се појави во Пелагонија и се премести преку Мариово кон долниот тек на Повардарието.

За девет часа најмногу дожд е наврнат во Струмица 40 л/м2, Крива Паланка 26, Ѓуриште 25, Охрид, Скопје Петровец и Виница девет, Демир Капија осум, Битола и Прилеп шест, Претор пет, Пожаране четири, Тетово три, Штип два и еден во Скопје Зајчев Рид.

До крајот на денот ќе биде променливо облачно со умерен до засилен јужен ветер. Во вечерните и ноќните часови понекаде во западните подрачја ќе има услови за појава на дожд. Ветерот ќе намалува со интензитетот.

Променливо облачно со сончеви периоди и со услови за слаб локален дожд ќе биде и утре. Ќе дува умерен, повремено засилен јужен ветер. Минималната температура ќе биде во интервал од 4 до 11, а максималната ќе достигне од 19 до 25 степени.

Во Скопје, променливо облачно со сончеви периоди и со слаб до умерен јужен ветер. Минималната температура ќе се спушти до 10, а максималната ќе достигне до 22 степени.

Помалку услови за појава на дожд ќе има утре во западните делови, а потоа до вторник ќе преовладува променливо облачно и посвежо време со повремени врнежи од дожд и засилен ветер претежно од јужен правец.

Би можело да ве интересира

Петок и сабота со летни температури, од недела дожд

Врнежливо со температури до 24 степени

Топло со температури до 22 степени

Слаб снег на планинските превои

Облачно со дожд, од утре сончево и потопло

Променливо облачно со повремен локален дожд

А1он