Половина тон марихуана доцна попладнево е откриена на Граничниот премин Ќафасан на македонско-албанската граница кај Струга, дознава А1.
Според извори на А1 станува збор за 511 килограми високо квалитетна марихуана која била вешто спакувана и сокриена во бункер во шлепер со македонски регистарски таблички на влез во Република Македонија.
Дрогата била наменета за македонскиот нарко пазар. Нејзиното потекло дополнително ќе се утврдува. Еден килограм од оваа дрога на црниот пазар достигнува вредност и до 2.000 евра.
Станува збор за одлично организирана и координирана акција помеѓу СВР Охрид, пограничната полиција и мобилната служба на Царинската служба од граничниот премин Ќафасан.
Мики Трајковски