Десетина скопски општини останаа без струја. Аеродром, Кисела Вода, Карпош 1,2,3,4, Мичурин, Автокоманда, се само дел од местата каде граѓаните немаат електрична енергија. Во повеќе наврати, напонот паѓаше и се враќаше.
„А1он“ се обрати до ЕВН со прашање дали станува збор за голем дефект и дали брзо ќе се санира – но не доби одговор.
И дел од Центар остана без електрична енергија, но, таму, напојувањето беше стабилизирано за кусо време. Во Ѓорче Петров – струја има.
Непознато е дали проблемот е целосно решен, бидејќи на секои 15 минути, напон доаѓа, па одновно снемува.