Непознато лице синоќа околу 22:15 минути во Кочани извршило полов напад врз 11-годишно девојче, соопшти полицијата.
Настанот се случил на улицата „Роза Петрова“ кога лицето му пришло на девојчето од зад грб, го фатило со двете раце и го прилепило за себе по што тоа почнало да вика, барајќи помош. Девојчето го удрило насилникот со мобилниот телефон по глава, успеало да го оттурне од себе и да се ослободи.
Се преземаат мерки за целосно расчистување на случајот.