Градоначалникот на општина Центар денеска оствари средба со Н.Е. Нилс Рагнар Камсваг, норвешки амбасадор во Белград, задолжен за Македонија.
„Градоначалникот Жерновски го запозна норвешкиот амбасадор Камсваг за состојбите и работењето на општина Центар.
Разменети се мислења за политичката состојба во Р. Македонија по лидерската средба во Брисел. Градоначалникот на општина Центар, Андреј Жерновски го информираше Камсваг за следните чекори на опозицијата во периодот кој претстои.
Амбасадорот Камсваг ги изнесе своите гледишта и ставови за тоа што се очекува од политичките фактори во државата, а особено што се очекува и што треба да направи актуелната власт“, соопштуваат од Општина Центар.
