Полицискиот час за викендот од 19 часот во сабота до 05 во вторник, предлага Комисијата за заразни болести

Од:

Поради продолжениот празничен викенд кој следува, Комисијата за заразни болести бара од Владата да воведе полициски час од сабота во 19 часот до вторник во 5 часот наутро. Ова барање ќе го разгледува Владата, која ќе треба да донесе конечна одлука. Министерот за здравство, Венко Филипче, кажа дека предлогот е поради тоа што изминативе денови најмногу инфицирани има поради трансмисија на вирусот преку семејни собири, а со тоа, не се почитувале ниту мерките кои се воведени за носење на заштитна опрема и држење дистанца.

„Ние имавме состанок со Комисијата за заразни болести и од неа беше предложено до штабот и Владата, да во текот на викендот има целосно ограничување на движењето, практично полициски час. Од сабота во 19 часот до вторник сабајле во 5 часот наутро. Сите овие случаи кои ги имавме минативе денови се должат на настани, семејни собири, кои што се случуваа изминатите денови. Токму поради тоа непочитување на мерките ќе имаме нови случаи. Во таа смисла, само една ваква ригорозна мерка сметаме дека ќе има вистински ефект“, рече Филипче.

Тој додаде дека за намалување на полицискиот час ќе се разговара по продолжениот викенд.

„Сите други ослободувања од рестрикциите кои беа најавени за крајот на оваа недела, ги оставаме за почетокот на следната, после викендот. Тука влегува функционирањето на угостителските објекти, евентуално скратување на полицискиот час. Но, за сето тоа ќе одлучува Владата, прво во текот на овие денови, за викендот, а понатаму и за сите овие мерки од вторник па натаму“, додаде Филипче.

Би можело да ве интересира

Османи бара да се продолжи рокот за регистрација за гласање на лицата во изолација

А1он

Бројот на активни случаи на Ковид-19 во Скопје и натаму опаѓа

А1он

168 нови случаи на Ковид-19, починале три лица

А1он

Со чаршав низ прозор избегале двајца турски мигранти од државен карантин, едниот позитивен на Ковид-19

Мери Јордановска

Во Свети Николе расте бројот на заразени со коронавирусот

Ана Ололовска

Филипче: Болниците имаат доволен капацитет, продолжуваме со пристапот на дијагностицирање и асимптоматски носители

Ана Ололовска