Полициски службеник од полициското одделение Петровец, вчера околу 23:10 часот, бил нападнат при интервенција за физички напад.
Како што информира МВР, М.С.(43) од Скопје, кој бил под дејство на алкохол физички ги нападнал неговиот брат и снаа, а при обид на полицискиот службеник да интервенира М.С. го нападнал удирајќи го со глава во пределот на носот.
М.С. е лишен од слобода во полициска станица Гази Баба, а полицискиот службеник побарал лекарска помош во Ургентен Центар Скопје.
Против сторителот ќе биде поднесена пријава за напад на полициски службеник.
