Заради спречување на вирусот надвор од регионите каде што се појавија жаришта на заразата, Владата донесе одлука за полициски час, целосна забрана за движење во Скопје и сите скопски општини, Тетово, Куманово, и Штип. Забраната ќе важи од 21 часот во четврток до 8 јуни во понеделник до 5 часот наутро, соопшти министерот за здравство, Венко Филипче.
Забраната за движење важи и во петок, сабота и недела во другите градови секој ден од 16 часот до 5 часот изутрина.
Се забранува посетата на гробишта, аптеките ќе работат непречено. Остануваат на важење сите издадени дозоволи за време на претходните забрани за движење, посебно за економските оператори, останува дозволата за прошетка на милениците, забраната за движење не важи за лицата со попреченост и нивните придужници, кажа Филипче.