Полициската станица-Кочани во соработка со Здружението на пензионери од Кочани денеска реализираа средба со пензионерите за превенција од кражби.
На средбата беа претставени искуствата од досегашната работа на Полициската станица-Кочани за сузбивање и намалување на кражбите. Присутните беа информирани и за безбедноста во сообраќајот, посебно за безбедното учество на пензионерите во сообраќајот како пешаци, велосипедисти или пак управувачи на моторни возила.
Според кочанските полицајци, со ова предавање многу ќе се придонесе за едукација и заштита на пензионерите и нивните семејства од кржби и несреќи во областа на безбедноста во сообраќајот.