Македонското МВР изутринава спроведува голема акција во која се апсат соработници и логистичари поврзани со криминално-терористичката група од кумановската Дива населба, која на 9. и 10 мај годинава се судри со полицијата.
Претресите се вршат во Скопје и Куманово. Веќе се приведени неколку лица кои ќе бидат изнесени пред надлежниот судија.
Како што информираат од МВР, повеќе детали се очекуваат во текот на денот.
Во мајската акција против риминално-терористичката група во Дива населба животот го загубија осум полицајци, а тиесетина беа повредени. Во акцијата беа убиени и десет членови на вооружената група, а 30 се предадоа и против нив се води судска постапка.
