Утринава полицијата извршила претрес на три локации во Скопје и Куманово во потрага по лица кои се сомничат за терористички напад поврзан со инцидентите во Диво Насеље во Куманово.
Како што информираат од МВР нема уапсени луѓе но дека по истите се трага.
Оттаму додаваат дека се пронајдени и одземени предмети кои се предадени на Јавен обвинител.
Претресот е извршен по наредба на судија по претходна постапка со цел да се лишат од слобода лица и да се соберат докази поради сомнение за сторено кривично дело теророризам и загрозување на уставниот поредок и безбедност.