Полицијата во Скопје исклучила 33 возачи од сообраќај

Полицијата открила 29 возачи кои ноќеска возеле под дејство на алохол, а четворица возачи одбиле проверка за присуство на алкохол.

Акцијата, како што информира денеска МВР, од 00:00 до 05:00 часот ја спроведувале полициски службеници од Одделението за безбедност на патниот сообраќај при Секторот за внатрешни работи Скопје.

– Овие 33 возачи се исклучени од сообраќај, времено им се одземени возачките дозволи и поднесени се мандатни платни налози. Откриени се и 85 останати прекршоци за кои се издадени 41 мандатни платни налози и 44 прекршочни платни налози, се вели во соопштението од МВР.

Одделението за безбедност на патниот сообраќај при Секторот за внатрешни работи Скопје вчера спровело акциска контрола за откривање на возачи кои ја пречекориле брзината на движење со моторно возило на подрачјето на Скопје. Притоа санкционирани се 125 возачи кои ја пречекориле дозволената брзина. Откриени се и 58 останати прекршоци за кои се издадени 23 мандатни платни налози и 35 прекршочни платни налози.

Полицијата вчера, во периодот од 23:00 часот до 05:00 часот изутринава спровела акциска контрола за откривање прекршоци што ги прават возачи на мотоцикли на територијата на Скопје и притоа откриени се осум возачи кои сториле прекршоци. Откриени се и 82 останати прекршоци за кои се издадени мандатни и прекршочни платни налози.

Би можело да ве интересира

Седум лица полесно повредени во сообраќајки во Скопје

Ана Ололовска

Пет лица полесно повредени во сообраќајки во Скопје

Ана Ололовска

Во Скопје вчера санкционирани 48 возачи за пребрзо возење, тешко повреден патник во автобус

Ана Ололовска

Полицијата казни 80 возачи за брзо возење вчера во Скопје

Ана Ололовска

Утре привремен сообраќаен режим на дел од „Партизанска“

Ана Ололовска

На Богородица и Дојран се чека половина час

Ана Ололовска