Полицајци од Одделот за криминалистичка полиција – Сектор за недозволена трговија со дрога, денеска во скопската населба Чаир привеле човек кај кој пронашле кокаин и хероин, а кој со себе носел шпанска лична карта, соопшти Министерството за внатрешни работи.
„На 28.10.2020 околу 15.30 часот на улицата Цветан Димов во Скопје е приведен Е.О.В. (35) со шпанска лична карта, кај кого бил пронајден кокаин и хероин,“ се вели во соопштението од МВР.
Лицето е приведено и против него ќе биде поднесена соодветна кривична пријава, а запленето е и возилото „мерцедес“ што тој го управувал, додаваат од полицијата.