62 возачи под дејство на алкохол, 151 шофер санкциониран за непрописно престигнување и уште 446 други прекршоци. Ова е билансот на сообраќајната полиција во контролите извршени низ земјава вчера – информираат од МВР.
„Министерството за внатрешни работи во текот на вчерашниот ден спроведе акциска контрола за санкционирање на непрописното престигнување и возење под дејство на алкохол, прекршоци кои се меѓу најчестите причини за сообраќајни незгоди со тешки последици. На територијата на целата држава санкционирани се 151 возачи за непрописно престигнување, а 62 возачи затоа што возеле под дејство на алкохол. Санкционирани се и 446 други прекршоци. Министерството за внатрешни работи продолжува со засилените контроли со цел зголемување на безбедноста во сообраќајот“ – стои во соопштението од Министерството за внатрешни работи.