Тројца играчи и двајца навивачи на Башкими од Куманово се здобија со повреди на вчерашниот натпревар против Албарса, кога по завршувањето на средбата билe нападнати од неколкумина домашни навивачи.
На стадионот „Слога“ во скопски Чаир, натпреварот заврши нерешено, неповолно за домашната екипа која „бркала“ победа за влез во Втората лига, по што незадоволните навивачи влегле на теренот и физички ги нападнале фудбалерите на гостинската екипа А.Ф. (21), кој притоа бил повреден со остар предмет, најверојатно нож, во пределот на слабината, Љ.М.(20), Ф.С.(23) и С.Ј.(23). Воедно физички биле нападнати уште две лица од публиката и тоа Н.Р.(33) и А. И.(24), двајцата од Куманово.
Сите повредени биле пренесени во болницта „Св. Наум Охридски“ за укажување на лекарска помош, каде им биле констатирани телесни повреди.
СВР Скопје презема мерки за идентификување на сторителите и за целосно расчистување на случајот.
