На улицата „Илинденска“ во Гостивар, вчера во 10:40 часот полициски службеници од Полициската станица Гостивар го лишиле од слобода 34-годишниот Е.И. од село Чегране, гостиварско.
Тој бил уапсен поради тоа што по вербална расправија со остар предмет му нанел неколку убодни рани на неговиот соселанец, 37-годишниот Б.А.
Б.А. бил пренесен во Ургентен центар Гостивар каде му била укажана лекарска помош.
Е.И. бил лишен од слобода и задржан во Полициската станица Гостивар, а по целосно документирање на случајот против него ќе биде поднесена соодветна пријава.