Полицијата ќе може да растерува и онеспособува лица кои демонстрираат и со употреба на гумени куршуми.
Ова, пишува „Вест“, е една од покрупните измени во Законот за полиција.
Целта на употреба на гумените куршумим според законодавецот, ќе биде привремено да се онеспособат лица од толпа, кои активно го нарушуваат јавниот ред и мир. Во измените е дадена можност полициските службеници да можат да употребат и електричен парализатор, за моментно справување, привремено онеспособување и доведување до послушност на агресивни лица.
Присилни средства можат да се употребат само по наредба на полициски службеник што раководи со акцијата.
Со нови методи за справување со насилна толпа во измените се опфатени и специјалните возила за јавен ред и мир и пиротехничко-експлозивни средства.