За демонстрантите кои бараат оставка од Никола Груевски и денеска е забранет пристап до Владата.
Тие положија банери на кои пишува „Збогум Никола“, „Оставки“, „Нема амнестија“, пред полицијата која го блокира булеварот Св Климент Охридски.
Луѓето кои протестираат бараат оставки и одговорност од целата влада, да се пуштат притворените од 5 Мај и да се формира влада за демократизација на институциите. Претходните денови, откако не им беше дозволено да протестираат пред Влада, се упатуваа кон Основниот суд 1, а протестот завршуваше пред Собранието.