Полицијата добила судско барање да обезбеди видео материјал со кој ќе бидат идентификувани сите што вчера учествувале во инцидентот пред Советот на Град Скопје, додека траеше седницата за преименување улици во главниот град.
„Утрово добивме наредба од судот за обезбедување видеоматеријал со цел да се идентификуваат лицата кои беа инволвирани во настанот во кој и беше нарушен јавниот ред и мир и, според пријавата, најверојатно се случило кривично дело. Во текот на денов верувам дека ќе стигнеме до идентитетот на дел од инволвираните лица и потоа зависно од тоа што ќе го покаже обезбедениот материјал би оделе со соодветна пријава“, изјави министерката за внатрешни работи Гордана Јанкулоска.