Полицаец се заканувал на свои колеги

Од:

Синоќа околу 19:10 часот во Косел – Охрид, во ресторан „Јарец“, полициски службеник од ПС за БПС-Охрид С.С., кој бил во униформа, за време на извршување на работни задачи, заедно со уште еден полициски службеник, седел на една од масите и конзумирал алкохол и во еден момент од џебот од униформата извадил повеќе листови на кои имало кривични пријави со датум од 18.11.2016 година.

Притоа гласно почнал да упатува закани и навредливи зборови кон повеќе лица вработени во СВР Охрид.

Причина за заканите и навредите била да се наруши интегритетот, угледот, честа и достоинството на пријавителите како повисоки раководни лица во СВР-Охрид, со што кај истите предизвикал чувство на страв, вознемиреност и несигурност.

За настанот е запознат Одделот за внатрешна контрола, криминалистички истраги и професионални стандарди.

Би можело да ве интересира

МВР: Уапсени се две лица, одземено е товарно возило, запленета е стоката

МВР: На социјалните мрежи се појавија лажни објави за телефони, апелираме да не кликнувате на такви објави

За 48 часа МВР „подели“ 1.293 казни на возачи и пешаци

Во акција на МВР и АНБ: Запленето електронски докази, оружје и куршуми

Нападнат полицаец на Водно

AA: ВМРО предлага вработувања во полицијата “без оглас” и “без правична застапеност”, ВЛЕН ги брани