Во Полициската станица за безбедност во патниот сообраќај во Тетово со огнено оружје денеска е повреден полицаец од страна на негов колега.
– Околу 10 часот во просториите на објектот на Полициската станица за безбедност на патниот сообраќај – Тетово со огнено оружје е повреден полицискиот службеник Ж.Ј. (51). Го повредил 35-годишен колега, изјави портпаролот на СВР – Тетово Маријан Јосифовски.
Повредениот полициски службеник, како што рече Јосифовски, по укажаната лекарска помош во тетовската клиничка болница во сериозна состојба итно е префрлен на скопските клиники.
– Дали станува збор за несреќен случај, невнимание или нешто друго, ќе утврди истрагата откако заврши увидот што го водеше јавен обвинител, а во кој учествуваше екипа од СВР – Тетово, рече портпаролот Јосифовски.