Припадник на Министерството за внатрешни работи колабираше за време на откривањето на спомен-обележјето на четворицата беровски бранители кои загинаа во воениот конфликт во 2001 година. За време на говорот на министерот за внатрешни работи Оливер Спасовски, еден од полицајците падна на плочникот, пo што итно интервенираше министерката Јагода Шахпаска, исто така присутна на настанот.
Шахпаска, која по професија е лекар-интернист, заедно со уште неколку други лица од беровската Итна помош го освестија младиот полицаец, кој најверојатно колабирал поради топлото време.
-Дечкото колабираше но брзо реагиравме, му беше пружена онаа основна помош во вакви ситуации, сето тоа траеше кратка и за среќа полицаецот кратко по колабирањето беше во добра состојба, рече кратко министерката Шахпаска околу случајот.
Министерката за труд и социјална политика на денешниот настан положи цвеќе пред споменикот на четворицата бранители.