Во полициската акција утрово, според неофицијални информации, уапсени се 15 лица за поврзаност со настаните од 27 април, кога беа нападните пратениците од парламентарното мнозинство во македонското Собрание.
Покрај Митко Чавков, помеѓу уапсените се и актерот Владо Јовановски, Горан Ангелов – Ќосето од Велес, пратеничката Жаклина Пешевска, пратеникот Крсто Мукоски, поранешниот директор на ФЗОМ Саше Стефановски, пратеникот Љубен Арнаудов и други.
Утрово се очекува Митко Чавков да биде донесен пред Кривичниот суд пред судија за претходна постапка, а полицијата не им дава пристап на новинарските екипи до судот.
Обвинителството побарало приведување и на Митко Пешев, поранешен началник на одделението за специјални полициски операции и на Душко Лазаров, началник во секторот за Јавен ред и мир.
Обвинети се за терористичко здружување за уништување на уставниот поредок. Mинимална казна затвор е 10 години.