Во знак на револт, иронично граѓанските иницијативи „Авангарда“ и „Кислород“, паркот спроти Бристол, кој што власта ќе го уништи, бидејќи тука ќе се гради зграда на Советот за радио дифузија, повторно во барокен стил, го нарекоа „Парк на Никола Груевски“.
Ова велат е „благодарност“ до премиерот, а името го носи со надеж дека како што велат тираните на Груевски нема да го уништат зеленото катче именувано по него.
„Повеќе можам да издржам парк Никола Груевски отколку премиер Никола Груевски“, рече претставникот на Плоштад Слобода.
Насобраните граѓани со јасна порака до власта, дека нема да се дозволи да се уништи и ова можеби последно зелено катче и парк во центарот на градот. Меѓу присутните беше и градоначалникот на Центар Андреј Жерновски кој кажа дека тука е пред се како загрижен граѓанин.
„Сите не загрижува податокот дека за последните 10 години е уништно 80% од зеленилето во Центар. Како градоначалник ќе направам се, како што и ветив, да престане уништувањето на зеленилото и ќе работам на враќање на зелените површини“, порача Жерновски.
