Поднесен обвинителен акт за сообраќајната несреќа кај „Зебра“

Од:

Скопското јавно обвинителство ја заврши истрагата за сообраќајната несреќа во која минатиот месец животот го загуби Сузана Тодоровска-Павловска, новинар во Македонското радио, и до Основниот суд Скопје 1 поднесе обвинителен акт против едно лице за кривично дело „тешки дела против безбедноста на луѓето и имотот во сообраќајот“.

„По завршената истрага, Основното јавно обвинителство – Скопје до Основниот суд Скопје 1 – Скопје поднесе обвинителен акт против едно лице за кривично дело – Тешки дела против безбедноста на луѓето и имотот во сообраќајот од чл. 300 ст. 2 вв чл.297 ст. 1 од Кривичниот законик.

Според наодите добиени од спроведените дејствија, обвинетиот во состојба на пијанство под дејство на алкохол (1,52 промили во крвта и 2,42 промили во урина) и наркотични средства – канабис го управувал своето возило „опел корса“ со брзина од 83 км/час при што загубил контрола и удрил во сега починатата.

Во исто време со обвинителниот акт, Основното јавно обвинителство – Скопје стави и посебен Предлог за продолжување на мерката – Притвор“, се наведува во соопштението.

Би можело да ве интересира

Пронајдени двајца починати мажи во Тетовско

Дисциплинската комисија утврди крупни грешки кај шефот на Вишото јавно обвинителство Скопје, се бара негово разрешување

Апелација ги уважи жалбите на Обвинителство и им определи ефективен 30 дневен притвор на двајцата поранешни директори на Онкологија

Државата конфискуваше 11.600 евра од осудениот раководител за урбанизам во Маврово и Ростуше

Обвинителството нареди, а полицијата го уапси бизнисменот Ристо Крмзов

Двајца браќа и нивен пријател се осомничени за убиство во Скопје