Професорскиот пленум ги поддржува граѓанските протести, како единствен можен акт на самоодбрана. Тие бараат одговорност од сите што спроведуваат, оправдуваат и простуваат самоволие, владеење на правото и неселективна правда, право на говор, слободна и критичка мисла и создавање услови за слободно изразување на волјата на граѓаните!
Професорскиот пленум ги повикува сите политички фактори во земјава да ги преземат неопходните чекори за да се стави крај на беззаконието и да создадат услови за опстојување на Република Македонија како самостојна, суверена, демократска, цивилизирана и просперитетна држава за сите нејзини граѓани.
Професорскиот пленум бара од меѓународната заедница како учесник и гарант на политичкиот договор без дипломатски речник да се изјасни за состојбите и со цврста определба да застане на страната на правдата, зашто БЕЗ ПРАВДА НЕМА МИР!