Стотици македонски студенти во Љубана вчера излегоа на протест за да се солидаризираат со илјадниците граѓани што во исто време протестираа на сенародниот собир пред Владата во Скопје. На нивните транспаренти пишуваше „Оставка на Владата“, „Мир и слобода“, „Готов е, адио“ или „Фала Никола што знам што е носталгија за дома“.
Како што рекоа младите демонстранти, протестот во Љубљана треба да испрати порака дека климата во Македонија е неодржлива и дека Владата е глува на барањата на граѓаните кои протестираат од 5-ти мај по објавувањето на бомбите.
– Ние сакаме да не слушнат затоа што не сме само гласачко ливче. Владата треба да работи за нас, а не обратно – рекоа студентите.
