Прв кандидат кој денеска беше интервјуиран од Комисијата е Радица Геровска Лазаревска. Таа конкурира и за член и за претседател во Комисијата за спречување корупција и судир на интереси.
Героска Лазаревска која доаѓа од Министерството за правда беше затечена од прашањето дали е во роднински врски со вицепремиерката и министер за одбрана и заменик претседател нс СДСМ, Радмила Шекеринска.
„Не сум во роднинска врски кои ги користам. Може да сме во далечна роднинска врска“, одговори Героска Лазаревска.
Таа не верува во опструкции од страна на институциите врз Антикорупциската комисија. Вети дека треба да се менува перцепцијата дека корупцијата е нешто нормално.
„Корупцијата не може да се искорени во целост, таа постоела и ќе постои“, рече Героска Лазаревска.