Два земјотреса со интензитет од три степени според Европската макросеизмичка скала-1998 се регистрирани изутрината околу 6 часот во Пехчево, Берово и околината.
Земјотресите, со епицентар од пехчевското епицентрално подрачје, се регистрирани во 06:23 минути и во 06:45 минути од страна на апаратите на Сеизмолошката опсерваторија при Природно-математичкиот факултет во Скопје, со својата телеметриска мрежа на сеизмолошки станици во Охрид, Битола, Крушево, Штип и Валандово.