Земјотрес со интензитет од пет степени според Европската макросеизмичка скала е почувствуван ноќеска во 00 часот и 23 минути во Гевгелија и Богданци, соопшти Сеизмолошката опсерваторија при Природно-математичкиот факултет во Скопје.
Земјотресот бил почувствуван и во Валандово и Струмица со интензитет од четири до пет степени, како и во Скопје со интензитет од три степени според Европската макросеизмичка скала.
Епицентарот на земјотресот бил во соседна Грција со магнитуда од 5,1 степен според Рихтеровата скала.