Послаб земјотрес претпладнето во 11 часот и 50 повторно беше почувствуван во Скопје и околината.
Според Европскиот медитерански сеизмолошки центар, земјотресот бил со магнитуда од 2,3 според Рихтеровата скала, а епицентарот му бил на шест километри источно од Скопје, на длабочина од еден километар.
Денешниот земјотрес е дел од серијата потреси што го погодија Скопје и околината во изминатото деноноќие.
Сизмолошката опсерваторија при ПМФ информира дека во текот на вчерашниот ден биле регистрирани 12 земјотреси.
Најсилниот земјотрес беше почувствуван вчера во 15:10 часот со магнитуда од 5,3 степени по Рихтер, а епицентарот беше на 7 километри источно од Скопје.
Во серијата земјотреси што во текот на вчерашниот ден го погодија скопскиот регион причинети се материјални штети, а лекарска помош побарале стотина граѓани.