Вакцинацијата против сезонски грип во Скопје почнува од утре. Годинава, како и минатата, набавени се околу 30.000 дози, со кои се опфатени и јавните и приватните здравствени установи.
Заинтересираните граѓани кои сакаат да примат може да се обратат во Центарот за јавно здравје во Скопје од осум до 18 часот од понеделник до петок, а во сабота и на државните празници вакцината може да се прими од 8 до 14 часот.
Во останатите центри за јавно здравје со вакцинација ќе се почне до крајот на неделава.
Вакцината ги покрива сите типови вирус на грип, кои циркулираат во северната хемисфера, вклучувајќи го европскиот регион и Македонија. Цената на вакцинацијата против сезонски грип изнесува 400 денари.
