На половина пат Скопје-Тетово во Петрол Компани тукушто седнаа на заедничка маса лидерите на СДСМ и на ДПА, Бранко Црвеновски и Мендух Тачи.
Во придружба на Црвенковски се и Андреј Петров и Игор Ивановски а со Тачи се почесниот претседател Арбен Џафаери и Имер Алиу.
Партиското раководството на ДПА во понеденикот му даде зелено светло на Мендух Тачи да почне разговори за соработка за локалните избори со СДСМ по што беше договорена средбата за која повеќето новинари се со став дека е историска.
Груевски и Ахмети соработката ја оценија како непринципиелна и како коалиција од личен интерес.
Доколку се постигне договор за соработка, се предвидува кандидатите на СДСМ или опозициските партии да бидат поддржани во Скопје, Бутел, Центар, Карпош, Гази Баба, Битола, Охрид, Битола, Ресен, Куманово и Крушево, а кандидатите на ДПА ќе бидат поддржани во Тетово, Чаир, Струга, Дебар, Гостивар,Тетово, Сарај, Студеничани, Липково, Теарце, Брвеница и Желино.