Собранието на Република Македонија ја започна 61. седница на која на дневен ред e Предлогот за пристапување кон измена на Уставот на Република Македонија со насоки за негово изменување и дополнување поднесен од Владата.
Дневниот ред на седницата беше усвоен со 71 глас „За“ и 40 гласа „Против“.
Претходно, пратеникот Илија Димовски предложи да се симне точката од дневниот ред, но тоа беше отфрлено со 67 гласа „Против“.
Во салата се пратениците од сите пратенички групи, а предлогот да го образложува премиерот Зоран Заев. На седницата присуствува и министерот за надворешни работи Никола Димитров.
Пред седницата координација во седиштето на партијата одржаа пратениците од опозициската ВМРО-ДПМНЕ.