На овој работен состанок на Централен Одбор на СДСМ ќе се разговара за политичката ситуација во државата како и за позитивниот извештај од ЕУ и ветувањето и гаранциите кои ги даде Германија дека Бундестагот во септември ќе даде позитивен сигнал, односно датум за преговори.
Исто така ќе се разговара и за новиот начин и систем на делување во СДСМ, од Централно ниво до општинските организации.
По барање на претседателот на партијата Зоран Заев беа разрешени сите претседатели на општиниски организации, шесте потпретседатели на партијата и генералниот секретар Александар Кирацовски. Засега познат е само новиот генерален секретар, а тоа е министерот за земјоделство Љупчо Николовски.
Од СДСМ најавија дека по завршување со промените внатре во партијата промени ќе има и во централната и локална власт.
Сметаат дека нема потреба од предвремени парламентарни избори, сепак не се исклучува можноста да се дискутира за тоа. Очекуваат во септември датум за преговори, а истите да почнат до крајот на годината.
Виктор Јованов