Во Неготино почнаа градежните активности за санација на главната улица „Маршал Тито“ .
– Станува збор за санација на потегот од раскрсницата со улицата „Манчо Малиминов“ до раскрсницата со улицата “29 Ноември“. Санацијата на коловозот на предвидениот потег опфаќа замена на коловозната покривка по целата ширина на коловозот од седум метри, како и замена на горниот слој што е оштетен. Работите на терен ги изведува градежната фирма „Градба промет“ и според проценките на стручните служби, се очекува работите да завршат за 14 дена, информира Методи Митрев, портпарол во општината.
Тој апелира до моторизираните граѓани кои поминуваат на потегот на кој се изведуваат градежни работи, внимателно да возат, со цел нивна и безбедност на сите учесници во сообраќајот.
Додека трае санацијата, сообраќајот ќе биде регулиран со сообраќајна сигнализација, која континуирано ќе биде присутна на терен.