Почна проектот за промена на азбестни цевки во Крива Паланка

Од:

Градоначалникот на Крива Паланка Борјанчо Мицевски денеска го најави стартот на проектот Реконструкција на дел од водоводната мрежа. Во наредниот период, според првиот човек на градот, ќе се работи на замена на постоечките азбестно-цементни цевки во водоводната мрежа со полиетилентски водоводни цевки.

– Ова е само еден од горливите проблеми со кои се соочуваше Крива Паланка не само од еколошки аспект, туку и од аспект на заштеда на огромни количини вода, како и поради постојаните дефекти кои се јавуваат овде. За таа цел обезбедивме 13 милиони денари или 210 илјади евра со кои што во наредниот период ќе направиме зафати на повеќе улици во централниот дел на градот: „Моша Пијаде“, „Партизанска“, „Херој Карпош“, „8 Октомври“, „11 Октомври“ и „Борис Кидрич“, истакна Мицевски.

Посочи дека е предвидено реализацијата на целиот проект да трае осум месеци по потпишување на договорот со изведувачот, но сепак, како што кажа, очекувањата се дека неговата реализација ќе биде порано.

Вредноста на проектот според проектната документација била 14,5 милиони денари без ДДВ, но со јавната набавка се постигнала пониска цена на чинење. Со овој проект ќе биде заменета водоводна мрежа со вкупна должина од 2.844 метри.

Би можело да ве интересира

Гори борова шума во кривопаланечко, пожарот се прошири кон Србија

Горан Наумовски

(ВИДЕО) Манасиевски: Градоначалникот тепач од Крива Паланка, пред јавноста глуми жртва, а во суштина се однесува шерифски во општината

Митовски: Пожарите во Крива Паланка се локализирани, но сѐ уште постои опасност од разгорување

ЦУК: „Ер тракторот“ дејствува во Крива Паланка, а хеликоптерот на МВР е упатен кон селото Орман

Се разгорува пожарот над Крива Паланка

Филипче: Сашко Митовски ја доби поддршката за кандидат од СДСМ за втор мандат

Горан Наумовски