На плоштадот „Методија Андонов Ченто“ во центарот на Приеп денеска напладне почна новогодишната програма со што градските власти го почнаа традиционалниот заеднички организиран пречек на Новата Година на отворено.
Први програмата ја отворија „јунаците од бајките“ од прилепскиот народен театар за најмадите прилепчани, а веќе на големата бина на плоштадот е во тек настапот на групата „Нокаут“.
Прилепскиот градоначалник ја испрати новогодишната порака до прилепчани на плоштадот пред новогодишната бина.
– Здравје, среќа, бериќет и економски попросперитетна година за сите прилепчани. Новата 2017 година да донесе стабилност и сигурност за граѓаните, рече Ристески.
Вечерната новогодишна програма започнува во 22:30 часот со настапот на познатите музички имиња Белинда и Шило, а веднаш по спектакуларниот огномет, топлото вино и чајот во првите мигови на новата 2017 година е настапот на популарното диџејско трио „The Mode“.