Петмесечно бебе е пронајдено починато утрово во семејниот дом во општина Чучер-Сандево, соопшти МВР.
Според информациите, денеска во 06:05 часот во СВР Скопје од Детската клиника при Комплексот клиники „Мајка Тереза“ било пријавено дека кај нив било донесено починато бебе од скопско.
Како што наведуваат од полицијата, таткото околу 05:30 часот во семејниот дом го пронашол петмесечното бебе, кое било предвремено родено, без знаци на живот, по што веднаш го однел на Детската клиника.
Лекар на клиниката констатирал смрт, а надлежните институции преземаат мерки за целосно расчистување на случајот.
