Министерството за здравство информира дека на Клиниката за инфективни и фебрилни состојби починал пациент од струшко на возраст од 50 години кој бил хоспитализиран на 27 март, а само еден ден подоцна заради влошување на состојбата поставен бил на механичка вентилација.
Од Клиниката се испишани 5 оздравени пациенти, а денеска се регистрирани и 18 оздравени пациенти кои се лекувале во домашни услови, а кои по два контролни теста се негативни на коронавирусот.
Во изминатите 24 часа се потврдени 107 нови случаи на Ковид-19, од кои најголем број се од Куманово.
Од новодијагностицираните, бројките според градови се следни:
Скопје – 28
Куманово – 44
Дебар – 2
Штип – 1
Прилеп – 11
Тетово – 5
Струга – 1
Велес – 4
Битола – 6
Кавадарци -1
Гостивар – 2
Кочани – 1
Кичево – 1
Со ова вкупната бројка на дијагностицирани пациенти со Ковид-19 во нашата земја изнесува 1081. Со последните бројки, Куманово се доближува до Скопје според бројот на заболени од Ковид-19.
Според местото на живеење на заболените од коронавирусот, бројките се следни:
Во изминатото деноноќие направени биле 660 теста. Преку ИЈЗ –468 , преку Ветеринарен факултет – 21, Авицена –22 , Биотек – 23 и Филип Втори (Жан Митрев) – 126.
Досега во земјата се направени вкупно 10.422 тестирања на Ковид -19, а денешната бројка на новорегистрирани случаи досега е највисока.
Од Министерството за здравство информираат дека на Инфективната клиника во Скопје примени се 11 нови пациенти, а во моментов се хоспитализирани 62 пациенти. Од нив, 18 пациенти се со потешка клиничка слика и на кислородна поддршка, а 5 пациенти се на механичка вентилација.
Во ГОБ „8 Септември“ примени се 11 нови пациенти и во моментов во оваа болница се лекуваат 38 пациенти со Ковид-19. Во потешка состојба се 8 пациенти, а на респираторна машина 6.
Во Битола се хоспитализирани вкупно 8 пациенти од кои 2 се повремено на кислородна поддршка, а на домашно лекување се следат уште 8 пациенти.
Во болницата во Штип се лекуваат 8 пациенти, а се следат уште 18 кои се во домашни услови.