На Клиниката за хирушки болести „Св. Наум Охридски“ во Скопје, изутрината почина уште едно лице, 54-годишниот Војо Гркланов од стумичкото село Вељуса, кој беше повреден во пожарот кој избувна на 23 јули во местото Чамчифлик кај Струмица.
Тоа е четврта жртва во пожарот во Струмица. На 28 јули почина 30-годишниот струмичанец Митко Георгиев, а на 24 јули на повредите им подлегнаа браќата, 46-годишниот Пено и 50-годишниот Блажо Стојкови, вработени во „Македонски шуми“.
На Клиниката е хоспитализирано уште едно дете со 40 отсто изгореници од втор и трет степен кое е во добра здравствена состојба.
За огнената стихија кај Струмица е осомничена 24-годишната Струмичанка Е.М., која запалила стари алишта под еден жбун, при што предизвикала пожар од поголеми размери.
1 comment
Ne mozam da svatam sto ni se slucuva.Dali ovie luge bea soodvetno lekuvani i kolku imame strucni doktori za vakvi pacienti .Najprvo bese kazano deka edno lice e vo teska sostojba da na kraj skoro site pocinaa.Neka odgovori ministerot koj e vinoven sto ne bea spaseni ovie mladi luge, a ne sekoj den da ni zboruva za nekakvi reformi ….. Sramota