Во Скопје почина Живко Мадевски, еден од првите професори на Природно-математички факултет при Универзитетот „Св. Кирил и Методиј“, на кој факултет бил декан и иницијатор за формирање студии по информатика.
Тој изведувал настава по теориска механика, аналитичка геометрија, линеарна алгебра, а повремено гостувал како наставник на Фармацевтскиот, Економскиот и други факултети во Скопје.
Мадевски е автор или коавтор на петнаесет учебници за сите три степени на образование.
Добитник е на престижната награда „Св. Климент Охридски“.
Како претседател на Асоцијацијата на математичари проф. Мадевски посебно се грижел за напредокот на талентираните во оваа научна дисциплина, како и развивањето афинитети кон новите информатички науки.
Погребот на проф. Живко Мадевски е во среда на градските гробишта во Скопје.