Во селото Орман, пред 19 часот кај маганиците на МВР до паркирано возило „Лексус“ со повреди на главата бил пронајден познатиот бизнисмен Чедо Радомировиќ.
Тој бил пронајден до неговото возило марка „Лексус“ со раскрвавена глава. Биле пронајдени до него и пиштол и чаура. Засега нема информации дали некој друг е вммњшан или се работи за самоубиство.
Кога бил пронајден Радомировиќ давал знаци на живот и со итна помош бил пренесен на скопските клиники, но таму им подлегнал на повредите.
Радомировиќ кој беше повеќе познат под прекарот Радо, беше сопственик на одамна пропаднатата банка Радо банка. Своевремено беше и апсен за даночно затајување. Негова беше и фирмата Македонија Инвест.
