Почина петнаесетгодишното девојче Т.Ц. кое се здоби со тешки телесни повреди во тешката сообраќајна несреќа што се случи на 2 јуни во Куманово на крстосницата помеѓу булеварите “Трета МУБ”, “Октомвриска Револуција” и улицата “Благоја Богдански Гуцман”, потврди кумановската полиција.
Несреќата се случи во неделата, кога 25-годишниот Б.М. кој управувал со патничко моторно возило, марка “бмв”,со кумановски регистарски таблички, движејќи се кон центарот, пред крстосницата изгубил контрола, при што удрил во бетонска жардињера, а потоа удрил во задната страна на автомобил “рено” кој го управувал 44-годишниот И.Н, кој чекал на семафорот.
Од ударот, автомобилот „рено“ удрил во друго возило кое се наоѓало пред него, а потоа излетало на десна страна од коловозот и удрило во петнаесетгодишните А.С и Т.Ц кои стоеле на тротоарот.
Истражен судија од основниот Суд Куманово, пред два дена, на возачот Б.М му одреди мерка притвор во траење од триесет дена.
