Победата на „Медена земја“ е голема афирмација на нашата земја и култура, четситка од Заев до авторите

Од:

Успехот што го постигна долгометражниот документарен филм „Медена земја“ во три категории, за најдобар документарен филм, за најдобра кинематографија и специјално признание од жирито за влијание за промена, претставува голема афирмација и промоција на нашата земја и култура.

Ова стои во честитката што премиерот Зоран Заев, од свое лично име и од име на Владата на Република Македонија, јја упати до режисерите на долгометражниот документарен филм „Медена земја“, Љубомир Стефанов и Тамара Котевска и до целиот тим кој работеше на ова, како што се посочува, маестрално филмско остварување кое триумфираше со победа во три категории на престижниот филмски фестивал Санденс (Sundance) којшто се одржува во Парк Сити, Јута во САД, соопшти владината прес-служба.

-Упатувам искрени честитки за постигнатиот успех кој верувам во иднина ќе биде уште поголем мотив и инспирација за креација на нови врвни филмски дела. Владата на Република Македонија и Агенцијата за филм ќе продолжат да подржуваат квалитетни филмски проекти и млади автентични филмски работници со цел нашата култура да добие своја афирмација со учество на што е можно повеќе македонски филмови на престижни светски филмски фестивали, посочува премиерот Заев во честитката упатена до целиот тим кој работеше на филмот, кој наградата ја освои во конкуренција на 11 документарни филмови.

Во честитката се додава дека на големото достигнување на документарниот филм „Медена земја“ за промоција на нашата земја и култура се надоврзуваат и големите успеси на филмот „Господ постои, името и е Петрунија“ на режисерката Теона Стругар Митевска, кој е прв македонски филм кој влезе во трката за престижната „Златна мечка“ на годинешниот 69 Берлински филмски фестивал, како и учеството на филмот „Исцелител“ на режисерот Ѓорче Ставревски на бројните филмски фестивали кој воедно беше и филм кандидат за номинација на годинешниот Оскар од нашата земја.

Би можело да ве интересира

(ВИДЕО) Заев: Договорени избори на 12 април

Габриела Димковиќ-Мишевска

Средба на Заев со коалициските партии

Ана Ололовска

Заев: Промените не ги носи една влада или 20 луѓе, туку сите два милиони граѓани

Ана Ололовска

(ВИДЕО) Заев: Не сум се слушнал со Макрон откако не добивме датум

Габриела Димковиќ-Мишевска

(ВИДЕО) Заев: Размислував за оставка, но не се откажувам од борбата

Ана Ололовска

(ВИДЕО) Заев: Одиме на брзи предвремени избори, граѓаните да одлучат по кој пат сакаат да одиме

Ана Ололовска