Почна изборната кампања за локалната изборна трка. Од ноќеска на полноќ кандидатите кои сакаат да станат градски татковци или советници, ќе одат од врата на врата, ќе говорат на собири и митинзи, ќе се рекламираат предку медиумите, и се за да ги убедат граѓаните дека токму тие се вистинскиот избор.
Кампањата ќе трае до 22 март на полноќ.Гласачите ќе имаат еден ден да здивнат и да одлучат кому ќе ја дадат довербата на 24 март.
Колкумина ќе го трчаат локалниот изборен круг, дефинитивно ќе се знае на 8.март на полноќ. Рокот за пријавување е продолжен, поради постигнувањето на политичкиот договор и прекинувањето на бојкотот од опозицијата.
ДИКќе мора да направи измени на календарот-роковник, и да се изврши жребување меѓу новопријавените кандидати.Дополнителна работа и за Лустрациската комисија, таа според законот, треба да изврши проверка дали ново пријавените кандидати за советници или градоначалници биле кодоши.
ВМРО-ДПМНЕ традиционално изборниот караван го почнува вечерва во Охрид, а СДСМ од Струмица.
Ќе се бираат градоначалници и советници за 84 општини од кои 10 се во Град Скопје, кој е посебна единица на локална самоуправа.
Во избирачкиот список за гласање на локалните избори се запишани вкупно 1.743.403 избирачи.
О