Поп пејачка Биг Мама во моментов се наоѓа во стабилна но стресна состојба. И покрај терапијата која и се дава од страна на лекарите во струшката болница, состојбата и е непроменета во однос на синоќа пред се поради големиот шок кој го доживеала.
Вчера доцна попладне на една од струшките плажи се преврте скутерот на кој се возеле Биг Мама и нејзиното момче од тетовското село Дебреште, кој по превртувањето како што раскажаа уште синоќа очевидци за А1 удрил со главата во скутерот по што потонал на 6 метри длабочина во Охридското езеро.
Неуспешни биле обидите за реанимација, по што момчето во струшката болница почина синоќа околу 20 часот. Во болницата во Струга во моментов се наоѓаат и родителите на Биг Мама.
Инаку деновиве, таа заедно со својата екипа се подготвувала да снима спот на струшкото крајбрежје.