Четири пациенти со тешки телесни повреди се примени денеска на хируршките клиники во Скопје по вооружена пресметка на улиците во Тетово.
Како што соопштија од Министерството за здравство, на КАРИЛ е примен 32-годишен пациент со прострелна рана во предел на граден кош, тешка телесна повреда.
На Детска хирургија е примено 12-годишно дете со прострелна рана во предел на десна натколеница.
На Торакална хирургија е примен 37-годишен пациент со прострелна рана во предел на граден кош.
На Трауматологија е примен 60 годишен пациент со скршеница на десна потколеница.
Сите пациенти, нагласуваат од МЗ, се згрижени и им се укажува соодветна медицинска помош.
Едно лице е почина на лице место во вооружената престрелка која се случила денеска напладне во Тетово.